4. KHAMTUNG GAM BUP AH AG PASTOR A MASA PEN KA HIH THEI NA THU

Khamtung gambup-ah AG pawlpi a masa pen, Tuilang khua a hihi. Tuakhitteh a nih na AG  pen Gamngai Pawlpi a hihi. A thum na pen Lophei AG Pawlpi a hihi. Keipen Rev.Hau Lian Kham tungton in 1976 kum in Thukham zuihna tawh Gupna a kingah zawh lo na, gamtathoih na tawh Gupna a kingah zawh lo na, Zeisu sisan hangbek in gupna a kingah na ka tel a ka Piangthak hi.

Banghang in Rev.Hau Lian Kham mai ah AG Pastor suakthei kahiam cih leh Rev.Hau Lian Kham pen EBC Founder pipa ahihman in EBC ah na omsuak lai tadih a hihman in amah AG Pawlpi ah hong lut maa, Rev.Myochit in Lophei AG Pastor dingin March 11, 1977 kum in Pasian khutsung ah apna Lophei AG Pawlpi bup mai-ah hong neih khin ta hi. Tuaban ah kha sum zong Rev.Myo Chit in khakhat in Ks.150 hong piapah hi. Tuahun lai in buhtang ip khat ciang ks.90 a mat laitak a hihi.

Lophei AG Pawlpi pen Tuiphum Pawlpi pan ka pusuak khit uh Kha ni Kha thum sung kizoppih neilo in Local church in ka om phot uh hi. TuaHunlaitak in Rev.Ahone, ( Senior Pastor, AG Kalaymyo ) pen Lophei ah hongpai in Lungdam na thu nasiatak in hong gen hi. Tualeh Rev.Ahone in AG ah hong lut un Myitkyina ah a sawt lo in ka paiding a, Kawlgambup AG, EP meeting om ding hi. Tuatak ah Lophei AG a ding huhna kongngetsak dinghi ci in hong khem ahihman in  AG pawlpi ah kana lut pah uh hi. Ahizong in ka nung ngaisut kikkik uh ciang Pawlpi hoih mahmah khat ah a kilut Kha na hi bilbel ei ka na cici kik saan uh hi. Tuaman in Rev.Hau Lian Kham mai ah AG pawlpi sung alut ka hi uh hi.

March 11, 1977 kum in Rev.Myo Chit  Lophei ah hong zin in Keimah Rev.Thang Za Kãp pen Lophei AG ah senior Pastor dingin Pasian mai leh mipi mai ah apna thunget sak na hong nei hi. Tua hun laitak in Khamtung gambup ah AG pastor om nailo a hih manin keimah Rev.Thang Za Kãp pen Khamtung gambup ah AG Pastor a masa pen ka hi hi. Tuakhit ciang Rev.Cin Za Langh pen Phaiza khua ah March 18,1977 kum in Senior Pastor dingin Pasian mai-ah apna nei leuleu hi. Tuakhit ciang Rev.Hau Lian Kham pen April 3,1977 kum-in EBC Pawlpi pan, AG pawlpi ah mi honpi khat tawh hong lut uh a, Rev.Hau Lian Kham pen Khamtung gambup ah AG Pastor a Thum na a hihi. Tuakhit teh a li na pen Rev.Lianbawi hi a, a mahpen La makaipi dingin Tedim AG pawlpi in Pasian maiah apna neih uh hi. Tuakhit ciang a nga napen Rev.Dam Suan Mung hi a, Thuklai AG ah Senior pastor dingin Pasian maiah apna neih uh hi. Tuakhit ciang a guk napen Rev.Suak Za Go hi a, Tonzang AG pawlpi kem dingin Pasian khutsungah apna neih uh hi. Tuakhit ciang a sagih na pen Rev.Khai Khan suan hi a, amahpen Tedim AG ah Assistant Pastor dingin Pasian khutsung ah apna neih uh hi.

Photo
The first AG pastors

Kei pen 1977 kum in Kawlgam AG District in Mandalay ah License Pastor hong pia hi. A nuai a maan pen ka License lak Ni a hihi.

1 Photo
License Pastorr

Tuakhit teh Ordination pen Kachin gam PO TA OO ah Kawlgam bup AG General Council pan Superintendent Rev.Pha La Min in hong pia hi. A nuai ah maan pen Ordination ka ngah Ni a hihi.

1 photo
Po Ta Oo

Leave a Reply

Your email address will not be published. Required fields are marked *