7. KAWL GAM SUNG LEH MUN TUAMTUAM AH KA PASIAN NASEP NA

Kawlgam sungah Gupkhiat na thu, hehpih na hangBek in Gupna akingah theina Thu, anuai a khua teng ah Tintan  piakna, Hunzat na kaneih kawikawi hi.i.

photo
Falam, Tedim, Tonzang, Hakha, Than Tlang , Buai khua,  Thuklai, Lophei, Khuasak, Buanman, Limkhai, Voklaak, Takkhawl, Tamdeang, Dolluang, Thangnuai, Phunom, Vangteh, Saizang, Kanpalet myo. Mindat myo. Seksih, Lungtak, Tuikhal, Khampat, Tamu, Oo Shu, Kanmahkyi, Sawbuazisian, Sakhankyi, Phalen, Homalin, Khankyi, Phaikawn, Myitkyina, PutaOo, Phakan, Mogok,LaShu, Taungkyi myo. Kengtung, Tathileke, Laputta,
Yangon, Mawlamiang, Pha An, Pating, Maymyo, Mandalay,
Mon Ywa, Mawlaih, Bih, MinCian. Tu a teng ban-ah a khuamin ka magilh honkhat om lai hi. Mi  tampi tak TUI kaphum hi.

photo

photo

Photo

Tuaban ah Laibu, bu 8 ka at a, Kawlgam bup ah mi-i simding in Laibu saipi te leh biakinn tuamtuam ah nasia tak in ka zuak hi.

photo
VAN GAM PAI NANG KAL 4 cih ka Laibu pen Kawlgam sungah bu 5.000 kazuak khia a, Malaysia pan bu 1.000 kazuak khia hi.

Photos 8 books

Photo

America katun ciang in Laibu bawl nang sum tambeilua ahihman in
Laibu kabawl zo-non kei-a, Video tawh gupkhiatna Tintan kapiak laitak in kazaih sak a, DVD tawh, Khui tampi kathuk khia hi. KawlPau leh TedimPau tawh khuiKhat tuak ka khum hi.

Photo DVD ( 2 )

KhuiKhat $10 tawh tampi ka zuak khia hi. A nunung lam ciangin a free in ka hawm khia hi. YOUTUBE ah koihding in zong a ready sa ka hihi. Tuakhit teh Facebook ah Gupna thu tampi tak ka post khia hi.

photo

Photo

Pasian  ading-in hangsan tak-in semkhia kahih man-in Lovegift hong pia mi pawlkhat in a Lai-ip tungah Rev.Thang Za Kãp aw, mi maitang zahtak ngiat nei lo-in hangsan takin Pasian thu nagen ngam na kong pahtak na hi ci in a Lai-ip tung uh-ah Lai hong gelh uh hi. Pasian ading in keizangh in ahangsan tamlo ding in zong, ka-um lel hi.

Gal hang pa Certificate

Biakna lam-ah Ph.D ngah te-i, Pasian nasep zia ka-et-et ciang, kidawm mahmah mawk uh hi. A pilna sang mahmah uh ahiman in mi-i ko khak ding lau mahmah uh a, a degree uh pen Khual bawl mahmah mawk uh hi. Tua bangdan tengtawh Pasian ading-in hangsan tak-in nasem ngam non lo mawk uh hi. Kumpi te in bel biakna hangin Mat ding-in  delh vangvangh ngei-lo ding uh hi.

Na sihciang koipai ding na hiam cih ka Laibu gelh na hangin Kawl kumpi ten matding in hong delh a, India ah kum 8 sung ka zi ka ta te tawh kikhen in ka om hi. Ka tanu a neupen HAU MEK ( Hau Lian Cing ) kum 1 leh kha 2 a phak laitak in Galkap  kumpi ten matding in Kawlgambup ah hong leizon in India ah ka tai hi. Ka tanu HAU MEK in aneu lai-in hong mungei lo ahiman in  PA AWNG hong ci thei nonlo mawk hi. Tan 10 a kah ciang, PA AWNG hong ci kik thei pan hi.

Kawl gam sung ah Pasian a dingin,
Hun zatna tawh ( Preaching )
Tintan piakna tawh ( Teaching )
Laibu Bu 8 gelh in ( 8 books concerning salvation )
tua teng tawh Pasian gam ading in  nasiatak in naa kasep  banah Gupna thu DVD khui  tampi thuk in tua tawh zongin  Pasian  gam ading in na kasem hi. Tua ban-ah ka Facebook ah zong  Gupna thu mi-i teltheih dingin tampi tak ka post ziahziah den hi. SDA te RC te in belh kopi in hongko zel uh hi. Topa gam adingin mi hongko na pen Van-ah ka kham lukhu ding hi ci in tel sinsen kahih man in na kasa khol kei hi. Ka thuak zo lel hi.

Kawlgam sung mun tampi ah Crusade Speaker zong ka sem kawikawi hi. Mi tampi tak in Hehpih na hangBek tawh Gup-ngah na Thu  hong thei uh a, Topa Kha Siangtho hongzat na hangin mi tampi tak hong Piangthak uh hi. America katun ciang in zong States tampi  ah gupkhiat na Tintan ka piak a, gupngah TetCi pan zong honkhat hong om uh hi. Malaysia ka om lai-in zong mun tampi ah gupkhiat na thu Tintan ka pia kawikawi hi. Malaysia ah zong Sentosa Zomi Church ah Pastor ka sem hi.

Malaysia Photos

India ka om sung in AI ZAWL ah SALOM AG pawlpi ka phut a, mi tampitak in Hehpih na hangin gupna kingah na thu hong tel uh hi.

Aizawl AG photos

Ka tuntun na ah gupkhiat na thu bek kabulphuh a, Gupna THU bek thupi kasa hi. A sawt lo in zong Online pan Gupna thu, Christian Doctrine honkhat zong gen kasawm lai hi.

AG PAWLPI AH PANMUN KA LEN NA
Tedim gam sungah AG pawlpi mun tampi ah hong kiphuh pah ahihman in Tedim Section kingah pah a, EP sungah ka kihel pah hi. Tua Hun pen 1977 kum a hihi. Lai Siangtho sang kakah khit TA MU ah Pastor kasep sung 1987 kum in North Chin state, South Chin state, Sagaiang Division dong-in  KALAY-SECTION khutnuai ah a om lai tak-in SECTION-EP ah ka ki hel hi.

KALAY-SECTION EP Photo

1990  kum-in Kawlgam bup AG General Council EP kitel na ah EP khat in ka ki hel hi. A hihhang Rev.Myochit in Rev.Dam Suan Mung
General superintendent angah, a lungkim lo a hih man-in America ah AG bulpi tetawh Rev.Myochit hong kop in telcing 12 teng ka vek un hong khawlsak uh hi.

Photo General EP

Tua khitteh Rev.Myochit in ko pawl teng District (3 ) EP ah hong koi kik hi.

Photo EP

Leave a Reply

Your email address will not be published. Required fields are marked *