10. 2018 KUM IN KAWLGAM AH KA CIAH NA
October leh November 2018 kum in Kawlgam ah kaciah a, Kha 2 sung kataam hi.
Photo
Tuahunsung in Phual Pi AG ah sun hunpi hongzangh sak uh hi. Agape AG biakinn pi ah zong sun hunpi leh nitak hunpi hongzang sak uh hi. Tahan, Besaida AG biakinn pi ah zong, Sun hunpi hong zanghsak uh hi. Tahan AG biakinnpi ah zong Nitak khat hunpi hong zanghsak uh hi. Munlai AG biakinn pi ah zong sun hunpi ah hun hong zanghsak uh hi. ThingUnau AG biakinnpi ah zong nilai nitak khat hunpi hong zanghsak uh hi. Tahan, ZBCM biakinn ah zong nipi nitak hunpi hong zanghsak uh hi.
Tedim ah zong Bethel AG biakinn pi ten sun hunpi leh nitak hunpi ah hun hong zanghsak uh hi. Hakha ah zong Ciimnuai Christian Church ten sun hunpi hong zanghsak uh hi. Hakha AG Church te in zong SA NI Ni sun in gupkhiat na Tintan hongpia sak uh hi. America ah ciahkik ding in Yangon katun suh ciang Yangon Sizang Tuiphum Pawlpi te in MM hun-ah hunpi hongpiak uh a, gupna thu deihtak in kagen hi. Tuaban ah Yangon Christian Church leh Myanmar Mission Fellowship Center ( Rev.Dr.Khup Lian Pau te biakinn ) ah zong Gupna thumah deitak in kagen hi. Tuaban-ah JESUS LOVES YOU CHURCH ( Rev.Dr.Kap Suan Pau te biakinn ) ah zong gupkhiat na thumah deihtak in ka gen hi.
Kawlgam ah kaciah hunsung in ka Zi-i, a naupa a Puno Thang Dal in Vok golpi khat hongngawh in Kawlzang ah a teeng Lophei Tamdeang khuami tengtawh Ankuang uumkhop na kanei uh hi.
Photo
Tuakhit teh ka sanggam nu ka uu Mankok in Vok golpi khatmah honggawh kik a, Kawlzang ah ateeng Lophei, Tamdeang khuami teng leh Thuklai pan ka puu te honkhat tawh Ankuang uumkhop na ka nei leuleu uh hi.
Photo
Tuakhit teh Tedim ah ka nau Sya Kip Khaw Thang te innkuan in Vok khat honggawh leuleu a, Bethel AG Pastors teng leh Upa teng tawh Ankuang umkhop na ka nei leuleu uh hi.
photo
Lophei ah zong kaciah a, ka tanu Hau Mek, a Pasal lamten Pi-na hongbawl uh a, BawngSial pi khat hong go uh hi. Lophei, Thuklai, Khuasak, Buanman, Pumva pan in meltheih teng kasam uh-a, hon-pi khat hongpai thei uh hi. Nuamtak in Ankuang uumkhop na zong kanei thei uh hi. Tuaban ah Pa Zam Cin Khai te innkuan leh Pa Lian Za Khup te innkuan in zong Keel khat tuak hong-gawh uh a, a-mau tungah zong nakpitak in kalung a dam pha mahmah hi.
Agape AG church, Leipi ah hun kazangh a, lovegoft Ks.350,000 hongpia mawk uh hi. Tedim ah zong Bethel AG Church ah Hun kazangh a, lovegift Ks.100,000 mah hongpia mawk uh hi. Yangon Sizang Tuiphum Pawlpi ah Hun kazangh a, lovegift Ks.50,000 hongpia uh hi. Yangon ah Myanmar Mission Fellowship Center ( AG ) ah Hun kazangh a lovegift Ks.87,000 hongpia uh hi. Phualpi AG Pawlpi mi Nu Ciin te innkuan in lovegift Ks.120,000 hongpia uh hi. ThingUNau ah Rev.Pau Do Cing te nupa in zong lovegift Ks.50,000 hongpia uh hi. Tahan AG ah Hun kazangh a, Syamah Luan Dim naupa in Ks.40,000 hongpia hi. Yangon ah Yangon Christian Church te in zong lovegift ks.40,000 hongpia uh hi. Tuikhal AG ah zan nih leh sunkhat Tintan kapia a, lovegift Ks.50,000 hongpia uh hi. Munlai Ag ten zong lovegift Ks.40,000 hiam Ks.50,000 hiam khat hongpia uh hi. Tuaban-ah mimal inzong Kalaymyo ah kanau, a Ni Hauno in zong lovegift Ks.100,000 hongpia hi. Rev.Do Khup in zong lovegift Ks.20,000 hongpia hi. Rev.Pau Lian Mung in zong lovegift Ks.30,000 hongpia hi. Tua-lo lovegift Ks.5000, Ks.10,000 hongpia tamlua ahihman in ka ciamteh zo non kei hi. Kawlgam ah kaciah kha 2 kataam sung pen Topa in VIP dinmun ah hongkoih hi. Anne hongsam tamlua ahihman in a min kagelh non kei hi. A vekpi tungah ka nuam mahmah hi. Pasian naseppih te in Mawtaw tawh hongpi hongkha ziahziah uh a, breakfast, Lunch, dinner hong nekpih ziahziah uh hi. A vekpi tungah nakpitak in kanuam pha mahmah hi. Kawlgam ah kha 2 kataam sungin Puanteen hongpia tamlua in America ah ka puazo kei liang hi. America ah ka puazawk lo hangin hongpia mi mai-kiim tungah Pasian in thupha a thukkiknang in thu kangetpih den hi.
Kapian na khua Lophei ah zan 2 leh sunkhat ka taam a, kaHun hong kicing peuhmah lo hi. Tua kawmkal pan kaNu leh kaPa, ka khua-pih ka tuipih a sisa teng a kiphum na Lophei HAAN ah zingtung in ka va-pai a, ka va NUH SET hi. America pan ciahbuang dingin a Si-sa kaNu kaPa leh ka khuapih tuipih teng NUH SET lo in America ka ciakik dingpen ka ki-awi kei hi. Lophei khua ah inn 12 bek nateeng lai uh ahihman in kalung a leng pha mahmah hi. Ahihzong in khuaneu cik Lophei pan in America ah Topa in hong tunpih na leh teen suak theih-na hongpiak na-te ka ngaisut ciang Topa tungah ka nuam mahmah hi.