3. SIZANG AG TE IN SECTION A NGAH NA THU

Tedim gambup AG te in biakna lam ah District khat lanuam uh a hih manin Section thum a omkei leh District ki latheilo cih thu a na om hi. Tua ahihman in Tamu khua ah District Khawmpi panin Thuklai khua bulphuh in Section khat hong pia uh hi. Tualeh Thuklai AG church ah Senior Pastor Rev.Thang Khaw Pau leh Pawlpi Secretary Sya Ngo Suan in mipi dongh lo in a mau gel thu tawh na nawlh kik mawk uh hi. A nawlh na uh a hangpen Thuklai kual teng SECTION khat-in dingleng, i van gik-lua in teh cih ngaisut na hang a hihi.

TuaHunlaitak in kei pen India gam ah galtai in ka om laitak hi a, Kawlgam ah kaciah laitak tawh a kituak hi. Sizang AG sya teng leh Upa a om theiteng kaikawm in Syapi Sing Cin Thang inn ( Rev.Thang Khaw Pau te om na ) ah meeting nasiatak in ka neihpih hi. Tua meeting sungah  Kawlgam AG District pan Thuklai kual teng ading SECTION hong kipiasa, i nawlh pen ngen kik ding ci in khentat na ka bawlkik uh a, Lai tawh District ah thu ka zasak kik uh hi. Tualeh tua meeting sungah Thuklai min tawh Section la taktak ding ihihleh Sizang kual AG pawlpi tengleh Thuklai kiim a om Thangnuai AG, Phunom AG, Vangteh AG zong zawn-ni cih thukim na ka nei uh hi.

Keipen Thangnuai, Phunom, Vangteh khua thum, Thuklai SECTION ah hong kihel nang, a zolding in Tavuan hongpia uh hi. Keizong kapai pah hi. Thangnuai AG te leh Phunom AG te in Thuklai in Myo hong ngah a leh hong kihelpan nung hong ci uh hi. Vangteh AG ten belh, no Sizang mite belh, ei Sizang te cih lungsim puak khat neihmawk nahih uh man-un hong kipawl zo kei nung hong ci uh hi.

Kei lo teng zong mun tuamtuam ah kikhen in Thuklai SECTION piannang, genpih kawikawi uh hi. Pasian in zong hong thukimpih hin teh. Thuklai SECTION lakding kithukim in District ah Thuklai in SECTION la kik nung ci in lai kipia a, tuni dong Pasian in hong kalsuanpih suak hi.

Leave a Reply

Your email address will not be published. Required fields are marked *